رسمياً.. مطار القليعات راجع للخدمة ابتداءً من بكرا!

رسمياً.. مطار القليعات راجع للخدمة ابتداءً من بكرا!

بـ6 حزيران 2026، رح ينطلق مطار القليعات، المعروف رسميًا بمطار رينيه معوّض، بحفل رسمي بيعلن بداية مرحلة جديدة للطيران المدني بلبنان، ورجعة تاني مطار مدني بالبلد للخدمة بعد عقود من التوقف.

المطار موجود بعكار، على بعد كم كيلومتر من الحدود السورية، وعندو تاريخ طويل. بالبداية بناه الجيش الفرنسي بأواخر الثلاثينات، وبعدها صار يُستخدم لأغراض عسكرية ومدنية. وخلال الحرب الأهلية، لعب دور مهم بربط الشمال بباقي المناطق، خصوصًا بين الـ1988 والـ1990. لما كانت شركة طيران الشرق الأوسط عم تسيّر رحلات داخلية بين القليعات وبيروت.

مشروع إعادة تشغيل المطار ضلّ عالق لسنين طويلة، رغم كل الطروحات والمحاولات اللي انعملت لإحيائه. ومع الحاجة لتخفيف الضغط عن مطار رفيق الحريري الدولي وتطوير قطاع الطيران بالبلد، رجعت الفكرة بقوة على الطاولة.

وبداية هالسنة، الحكومة أعطت الضوء الأخضر لخطة التشغيل التدريجي، ومع انطلاق المناقصات وأشغال التأهيل، صار المشروع أقرب للواقع

https://chat.whatsapp.com/EHsU2LNGwUq2fvMELiQLX4

https://www.instagram.com/lbnow_/profilecard/?igsh=djVvbmJycDF5OTJq